Como estaba previsto, o venres 16 de outubro, polo serán, 17 socios do Doira partimos dende Vigo a unha convivencia de voluntarios para axudar na organización da Manifestación 17-O en defensa da vida, a muller e a maternidade, celebrada en Madrid.

Chegamos á capital aproximadamente ás 22.30 horas do venres, para aloxarnos no Clube Amura – Mirasierra-, onde nos quedamos todo o fin de semana. O sábado pola mañá xogamos un partido de fútbol no Colexio El Prado e, ás 14.15, despois de comer, saímos cara o lugar da manifestación, a Porta de Alcalá, onde nos repartiron as acreditacións e mailo material dos voluntarios. Tamén alí distribuimos as tarefas. Encargáronos “custodia-la”  segunda pancarta da manifestación, é dicir, tivemos que ir coa segunda pancarta i evitar que os manifestantes invadisen a cabeceira para ocupar o seu lugar.

En esa zona ían tamén a maioría dos xornalistas dos diferentes medios de comunicación. Acompañamos a pancarta dende a Porta del Sol ata a Porta de Alcalá onde, dende o estrado, os organizadores e invitados leron o Manifesto.

Despois do multitudinario acto en defensa da vida, ceamos. Ó final, co cansancio acumulado pola intensidade do día e as tarefas, voltamos en metro ó noso hospedaxe. O domingo estudamos 3 horas pola mañá. Despois de comer saímos de volta cara Vigo, abraiados pola experiencia. Chegamos en torno ás 20 horas.

Por David Fernández Alonso